- Title (Other local language)
- Photograph by
- Author(s)
- Reference for photograph
- Getty Images/iStockphoto
- Subject(s)
- Reference
- Related Places
- Event
- Related scholarly work
- Reference
- Competition
- opini
Description
In English
In Balinese
Ring perkembangan aabe mangkin, gumine ngangsan wayah. Jagate keni gering agung sane kawastanin virus korona utawi covid 19. Viruse puniki sampun menyerang sejebag jagat rumasuk Indonesia. Sampun atiban lebih virus koronane menyerang Indonesia. Tur sampun makudang kudang jadma sane seda ulian viruse puniki. Nika mawinan virus koronane sanget ngranayang masyarakate resah, ulian jejeh kena viruse punika. Nenten je nika manten, viruse puniki sanget berdampak ring sektor pariwisata. Sektor pariwisata merjani nyrorod utawi mati suri ulian nenten wenten tamu sane berkunjung tur ngranayang genah pariwisatane harus katutup. Ring masa pandemi sekadi mangkin sekancan gaya hidup sehat sampun katerapang minakadi ngangge masker, rajin mencuci tangan, rajin berolahraga, ngajeng ajengan sane sehat miwah sane lianan, nanging virus koronane nenten masih padem. Sane mangkin, virus koronane malih ngelonjak. Sekancan kebijakan pemerintah sane keanggen nanganin viruse puniki sampun katerapang, khusunyane di Bali. Kebijakan kebijakan pemerintah sane katerapang mangkin ring Bali silih sinunggilnyane Pemberlakuan Pembatasan Kegiatan Masyarakat darurat PPKM darurat . PPKM darurat puniki kalaksanayang mawit saking pinanggal 3 Juli ngantos 20 Juli 2021. Ring pembatasan puniki sekancan sektor non esensial katutup, makejang pegawenyane mekarya saking jero soang soang. Melianan teken sektor essensial sane ngadol bahan makanan kedadosang mebuka nanging galahnyane kewatesin ngantos jam 8 wengi. Nenten je nika manten, wenten kegiatan pencegatan sane kalaksanayang olih satgas covid ring dalem kota anggen matesin kegiatan masyarakat sane nenten penting. Akeh masyarakat mengeluh krana kebijakan pencegatan punika kerasa kuang mapiguna yening klaksanayang ring dalam kota krana kegiatan punika mengundang kerumunan tur ngranayang lalu lintas terganggu. Kebijakan sane pacang tiang ambil yening tiang dados silih sinunggil pejabat pemerintahan ring Bali keanggen nyurudang virus covid 19 mangda prasida nyerorod inggih punika nutup sekancan pintu masuk utawi keluar Bali minakadi pelabuhan lan bandara, mangda jadma luar Bali ten mresidayang rauh ke Bali tur jadma Bali nenten masih mresidayang keluar Bali. Tetujonyane mangda rantai penyebaran virus korona puniki prasida kaputus, jadma luar sane berpotensi nularang viruse puniki nenten prasida malih rauh ke Bali. Yening sampun kenten pemerintah Bali dadosne fokus nanganin masyarakatnyane. Selanturnyane pemerintah pacang nyiapang dana sebesar besarnya angggen ngewantu masyarakat sane terdampak tur ngemastiang dana wantuan ipun kapolihang olih masyarakat secara merata. Raris mengajak masyarakat sane mampu nincapang rasa kemanusiaan antuk ngelaksanayang kegiatan berbagi sekadi sembako, jinah, alat kesehatan miwah sane lianan majeng ring masyarakat sane membutuhkan. Pemerintah melalui perangkat desa sepatutnyane secara gencar ngelaksanayang sosialisasi bahaya virus covid 19 puniki mangda masyarakat nenten ampah teken viruse niki, setata waspada tur disiplin nerapang protokol kesehatan sekadi mencuci tangan, ngangge masker, nganggen handsanitizer, tur nenten nglaksanayang kegiatan sane pacang ngundang kerumunan. Terus ngencarang program vaksinasi gratis. Selanturnyane masyarakat sumangdane prasida nglaksanayang isolasi mandiri ring jero soang soang, ngewatesin kegiatan diluar rumah sane nenten penting. Pemerintah lan masyarakat sepatutnyane bekerjasama bahu membahu tur saling dukung mangda virus covid 19 puniki ngangsan surud. Pemerintah sadurung mekarya kebijakan sepatutnyane nyingakin situasi rakyat mangda nenten ngerugiang pihak sane lianan tur masyarakat mangda prasida nerapang kebijakan punika. Yening masyarakat lan pemerintah sampun prasida bekerjasama pastika virus covid 19 puniki prasida keatasin.
In Indonesian
Enable comment auto-refresher
Ariantinimusti
Permalink |